Nú fer að líða að lokum vetrarstarfsins hjá 60 ára og eldri. Að því tilefni verður farið í skemmtilega vorferð. Áætlun ferðar:

Farið frá Ólafíustofu stundvíslega kl 10:00, fimmtudaginn 12. maí, þaðan sem ekið verður upp í Íslendingahúsið í Norefjell. Þar borðum við léttan hádegisverð, spjöllum og syngjum saman og skoðum nærumhverfi. Á leiðinni tilbaka stoppum við stutt við Villa Fridheim, sem er gömul ævintýrahöll á lítilli eyju (landfest með brú), við Noresund. Þaðan er haldið að „den gamle mester“ sem er mörg hundruð ára gömul eik (með sína sögu) sem var friðuð 1914 en hún stendur við Bjertnes prestegård við Noresund. Síðan höldum við leið okkar áfram tilbaka til Hönefoss og gerum ráð fyrir að vera þar laust fyrir klukkan fjögur þar sem við borðum saman kvöldmat í huggulegu umhverfi. Eigi síðar en 17.30 erum við komin í rútuna og ökum rakleitt til Ólafíustofu og áætlum að vera komin þangað uppúr kl. 18.

Áhugasamir mega endilega skrá sig á netfangið fraedsla@kirkjan.no ef einhver er með sérstakt mataróþol eða ofnæmi þá má endilega láta vita af því.

Við hlökkum til að sjá ykkur sem flest ! Ása Laufey, Osvald, Snorri og Fríða.