Kóramót var haldið nú í apríl þar sem íslensku kórarnir sem starfandi eru í Noregi komu saman til æfinga og tónleikahalds. Aðgangseyri tónleikanna rann til Ólafíusjóðs Íslenska safnaðarins í Noregi og afhenti Þorbjörg Guðmundsdóttir formaður Ískórsins styrkinn á aðalfundi safnaðarins sem haldinn var 24. apríl s.l. Dr. Sigríður Dúna Kristmundsdóttir formaður sjóðsstjórnar tók við styrknum og þakkaði af alhug fyrir rausnalega gjöf og velvild í garð þeirra sem á aðstoð þurfa að halda á erfiðum tímum.

Náungakærleikur og hjartagæska er hverju hjálparstarfi mikilvægt.

Drottinn elskar glaðann gjafara!