Íslenski söfnuðurinn í Noregi

Sjálfstyrkingarnámskeið fyrir konur í Bergen

Sjálfstyrkingarnámskeið fyrir konur verður haldið í Bergen laugardaginn 15. október á Radison Blu hotel, Nedre Ole bulls plass 4   kl.12-15.
Leiðbeinendur á námskeiðinu eru Eygló Sigmundsdóttir sálfræðingur og sr.Arna Grétarsdóttir prestur íslendinga í Noregi.
Á námskeiðinu verða kennd sjálfstyrkjandi samskipti og sjálfstyrkjandi hugsun.
Farið verður í streitulosandi upplifun í  bæn, slökun og íhugun ásamt því að kenndar verða "Mindfullness" æfingar.

Fermingarfræðsla í Bergen
Fermingarfræðslan verður á Radison Blu hotel, Nedre Ole bulls plass 4 , laugardaginn 15. október kl.09.45 – 11:45.

Fjölskylduguðþjónusta í Bergen 16. október í Skjold kirkju

Fjölskylduguðsþjónusta verður í Bergen sunnudaginn 16. október kl.14. i Skjold kirkju við Fanavegen. Fermingarbörnin aðstoða við helgihald.

Það verður líf og fjör í kirkjunni. Helga og Arna sjá um stundina og rebbi og mýsla kíkja við. Allir krakkar fá sunnudagaskólann á DVD "Daginn í dag" (einn diskur á heimili). Boðið verður upp á hressingu á eftir. Verið hjartanlega velkomin.

Söfnuðurinn er á Facebook: Íslenski söfnuðurinn í Noregi og Íslenski sunnudagaskólinn í Bergen.

Aðrar samverur verða eftirfarandi: sunnudagaskóli 13. nóvember í Skjold kirkju og aðventu messa 4. desember í Åsane kirkju.

Guðsþjónusta og sunnudagaskóli verður næstkomandi sunnudag 2. október kl.14 í Nordberg kirkju í Ósló. Fermingarbörn vetrarins mæti til messu og aðstoða við helgihaldið. Ískórinn syngur fallega að venju. Hjörleifur Valsson leikur á fiðlu. Kaffi í safnaðarheimiinu á eftir í umsjá Íslendingafélagsins. Verið hjartanlega velkomin.

 LANDSMÓT ÆSKULÝÐSFÉLAGA ÞJÓÐKIRKJUNNAR

Nú líður að landsmóti ÆSKÞ sem Íslenski söfnuðurinn hefur boðið fermdum unglingum að fara á s.l ár. Hér er á ferðinni frábær dagskrá með uppbyggilegri skemmtun og fræðslu fyrir unglingana okkar. Flogið verður 27.okt  og til baka 31.okt. n.k.  Enn eru örfá sæti laus og eru þau sem hafa áhuga beðin um að hafi samband við Örnu prest. Fermdir unglingar að 18 ára aldri er boðin þátttaka.

Mótið er haldið á Selfossi 28.- 30.október 2011.

金の心

Styðjum börn sem misstu foreldra í jarðskjálftunum í Japan

“"Og ég mun gef þeim nýtt hjarta og leggja þeim nýjan anda í brjóst" (Esk, 11:19)

 
Um mótið:

Mótið í ár verður góðgerðarmót þar sem við beinum sjónum okkar til barna í Japan sem eiga um sárt að binda eftir hinar miklu náttúruhamfarir í landinu fyrr á árinu. Um 1200 börn og unglingar yngri en 20 ára misstu foreldra sína í skjálftunum og flóðunum sem fylgdu á eftir. Mörg þessarra barna þjást af áfalla-streituröskun og hafa geðlæknar bent á að besta leiðin til bata sé að gefa börnunum kost á að dvelja í áhyggjulausu umhverfi þar sem þau fá notið sín í leik og starfi. Ákveðið hefur verið að láta afrakstur þess sem safnast á mótinu renna til hjálparsamtaka í Japan sem nefnast ,,Hearts of Gold”. Samtökin hafa það að markmiði að gera líf þessara barna bærilegra m.a með því að gera þeim kleift að sækja skólaferðalög, sumarbúðir og fleira. Toshiki Toma, prestur innflytjenda og Hjálparstarf kirkjunnar halda utan um söfnunina með okkur.

Dagskrá mótsins verður góð blanda af helgihaldi, leik, söng og fræðslu. Sameiginleg fræðsla á laugardagsmorgninum er í höndum Sr. Sigurvins Jónssonar æskulýðsprests í Neskirkju og Sr.Toshiki Toma prests innflytjenda. Eftir fræðsluna tekur við hópastarf og meðal þess sem í boði verður er: Japönsk tíska, Kristileg tónlist, Sævar Poetrix, Karate, Björgunarsveit, Breytendur, Sushi, Kökuskreytingar, Dans, Manga, Origami, Leikjahópur, Quidditch, íþróttir og fl. Kvöldvökur og helgistundir verða auðvitað á sínum stað svo ekki sé minnst á búningaballið þar sem Ingó Veðurguð, Stuðlabandið og Dj Búni halda upp stemmningunni.

Í ár efnum við til búningakeppni og skemmtiatriðakeppni. Veitt verða þrenn verðlaun í hvorum flokki fyrir sig. Þemað á búningaballinu er rautt, sem minnir okkur á Japan.

Fermingarfræðsla vetrarins hefst með fermingarnámskeiði í Svíþjóð dagana 23.-25. september. Allir verða að skrá sig með rafrænni skráningu (sjá hér á síðunni) svo þeim berist tölvupóstur með frekari upplýsingum um námskeiðið og fyrirkomulag fræðslunnar í vetur. Hlakka til að hitta nýjan hóp af fermingarbörnum í haust.

Okkar dýpstu samúðarkveðjur til norðmanna á sorgardögum. Atburðir gærdagsins hreyfa við okkur öllum en engum meir en þeim sem misst hafa ástvini sína. Íslenski söfnuðurinn bendir Íslendingum á að kirkjur norsku kirkjunnar eru opnar fyrir þau sem vilja tendra ljós, sameinast í bæn og eiga samfélag. Við getum líka tendrað ljós heima við og sameinast i bæn til Guðs um styrk til þeirra sem líða. Verum hvort öðru stuðningur á erfiðum tímum og munum að trú, von og kærleikur styrkir.

Með bæn og blessunarkveðju til ykkar allra.                                                                                  

Prestur og safnaðarstjórn.

Í neyðartilfellum verður hægt að ná í prest safnaðarins sr. Örnu Grétarsdóttur í sumar í gegnum Ingu Erlingsdóttur á skrifstofunni.  Senda má erindi á tölvupóstfangið prestur@kirkjan.no, póstum verður þó einungis svarað óreglulega í sumar því er gott  ef erindið er ekki trúnaðarmál að senda afrit til Ingu á starfsmadur@kirkjan.no. Guð blessi ykkur sumarið.