Laugardaginn 9.des. kl.14  verður messa og jólaball  í Tangen kirkju , kirkebakken 1  í Drammen.  

Sr. Lilja Kristin Þorsteinsdóttir leiðir stundina. Ískórinn syngur og leiðir sálma- og messusöng undir stjórn Gísla J. Grétarssonar.

Organisti og undirleikari er Gróa Hreinsdóttir. Jólaball í umsjón Íslendingafélagsins  og Jólakirkjukaffi á eftir í safnaðarheimilinu.

I Bergen er messan og jólaballið haldið í  Ytrebygda kirke, Skagevegen 7, 5258 Blomsterdalen, laugardaginn 9.des. kl.13.

 Sóknarprestur íslensku kirkjunnar, sr. Ragnheiður Karítas Pétursdóttir þjónar fyrir altari. Sönghópurinn í Bergen syngur undir stjórn og við undirleik Tönju Johansen.

Börnin kveikja á aðventukransinum. Jólasunnudagaskóli í umsjón Gígju Guðbrandsdóttur og Ólafar Halldóru Þórarinsdóttur.
Að messu lokinni verður kirkjukaffi og jólatrésskemmtun í safnaðarheimilinu.

Íslendingafélagið í Bergen sér um kaffi og saft, en gestir eru beðnir um að leggja veitingar á kaffiborðið.

Sunnudaginn 10.des.  er messa og jólaball i Stavanger í Sunde kirkju,  Mjughøyden 9, 4048 kl.14.

 Stundina leiðir sr. Lilja Kristín Þorsteinsdóttir prestur Íslenska safnaðarins í Noregi.

Einsöngvari er Kristín Magdalena Ágústsdóttir. Organisti er Gunnar Tungland. Kveikt verður á aðventukransinum , Haft veröur ofan af yngstu kirkjugestunum samhliða messunni.
Að lokinni messu verður kirkjukaffi og jólatrésskemmtun í safnaðarheimilinu. 
Fólk er beðið um að koma með á kaffihlaðborðið ef það hefur tök á því. 

Jólatrésskemmtun og jólahelgistund verður í Rukla Prinsensgate 18 3211 Sandefjord, sunnudaginn 10.des. kl.14.

Íslenski söfnuðurinn í Noregi og Íslendingafélagið Jötunn standa saman að jólatrésskemmtunn og jólahelgistund fyrir alla fjölskylduna. Margrét Ólöf Magnúsdóttir djákni  hefur umsjón með jólahelgistund með klassískum jólasálmum í kapellunni.

Eftir helgistundina er lagt á jólahlaðborð og dansað kringum jólatréð.

Verið hjartanlega velkomin !