Aðalsafnaðarfundur verður haldinn þann 26. apríl n.k í Nordberg kirkju.
Messa hefst kl.14 og er fundurinn í safnaðarheimilinu strax á eftir.
Dagskrá aðalsafnaðarfundar samkvæmt lögum safnaðarins:
a. Formaður kannar hvort til fundar sé löglega boðað
b. Kosning fundarstjóra og fundarritara
c .Skýrsla formanns
d. Stefna stjórnar
e. Skýrsla prests
f. Fjárhagsáætlun og ársreikningar lagðir fram
g. Kosning í safnaðarstjórn og varastjórn
h.Tillögur
i. Kosning í kjörnefnd og aðrar nefndir
j. Önnur mál
Um aðalsafnaðarfund segir m.a í 2.gr. laga safnaðarins:
Aðalsafnaðarfundur fer með ákvörðunarvald safnaðarins í málum þeim sem undir fundinn heyra samkvæmt lögum eða lögmætum ákvörðunum.
Aðalsafnaðarfundur er vettvangur starfsskila og reiknisskila af hendi stjórnar safnaðarins og einstakra nefnda á vegum safnaðarins. Þar skulu rædd málefni safnaðarins, þar á meðal þau mál sem lögmælt er að undir fundinn séu borin.
Aðalsafnaðarfund skal að jafnaði halda fyrir maí lok. Til hans skal boðað með fjögurra vikna fyrivara. Aðra safnaðarfundi skal halda ef meirihluti stjórnar safnaðarins óskar þess, eða 150 safnaðarmanna sem atkvæðisrétt hafa á safnaðarfundum.
Tillögur til aðalfundar skulu berast safnaðarstjórn fyrir 1. mars ár hvert.
Safnaðarmenn njóta kosningarréttar og kjörgengis á safnaðarfundum þegar þeir eru fullra sextán ára.
Lagabreytingatillögur verða lagðar fyrir aðalfundinn og fylgja þær fundargögnum.
Kosið verður um tvo aðalmenn og tvo varamenn í safnaðarstjórn/sóknarnefnd á fundinum.
Lilja B. Þorsteinsdóttir frá Stavanger og ritari sóknarnefndar býður sig fram til áframhaldandi setu í aðalstjórn og Elín Kolbeins frá Osló sitjandi varamaður býður sig einnig fram í aðalstjórn.
Fundargögn liggja frammi í Ólafíustofu.