Ása Laufey Sæmundsdóttir hefur verið ráðin sem nýr fræðslufulltrúi Íslenska safnaðarins í Noregi.  Ása Laufey vann áður sem æskulýðsfulltrúi í Neskirkju í Reykjavík og við barnastarf og kirkjuvörslu í Áskirkju. Hún vann um árabil sem fulltrúi á Neytendastofu.

Ása Laufey  sem er 34 ára lauk meistaraprófi í guðfræði frá HÍ haustið 2013. Lokaritgerð hennar fjallaði um tengsl kynverundarfrelsis og mannréttinda innan siðfræðisviðs guðfræðinnar.

Ása Laufey tekur við fræðslufulltrúastöðunni af Valdimari Svavarssyni sem nú lætur af störfum vegna flutninga til Íslands.

Við þökkum Valdimari fyrir frábært starf og biðjum honum og fjölskyldu hans blessunar í lífi og starfi.

Við bjóðum Ásu Laufeyju hjartanlega velkomna til starfa og megi góður Guð leiða hana og blessa í þjónustu allri fyrir íslenska söfnuðinn.