Það hefur verið heilmikið um að vera hjá 60 ára og eldri á Óslóarsvæðinu það sem af er vetri. Í hverjum mánuði hefur verið boðið uppá afþreyingu sem hefur verið fjölbreytt og skemmtileg.

Venjan er að hittast um hádegisbil í Ólafíustofu, skrifstofu Íslenska safnaðarins í Pilastredet Park 20, Ósló. Þar hefur verið litið í íslensk dagblöð og málefni líðandi stundar rædd. Boðið er upp á hádegisverð og honum fylgt eftir með kaffi og góðu meðlæti.

Næsti fundur er á fimmtudaginn 6. mars og allir 60 ára og eldri eru velkomnir. Osvald Kratsch ásamt fræðslufulltrúa safnaðarins taka vel á móti þátttakendum.