Sunnudaginn 1. desember klukkan 14:00 verður haldin aðventuhátíð í Nordberg kirkju Ósló.

Hulda Björk Garðarsdóttir sópran mun syngja inn í hug og hjörtu kirkjugesta.

Sérstök hátíðarræða verður flutt af Þórarni Eldjárn rithöfundi. Hjörleifur Valsson mun spila á fiðluna og Ískórinn syngur fyrir hátíðargesti.

Sunnudagaskólinn verður á sínum stað og um að gera að koma með ungu kynslóðina. Þá verður einnig Íslenskukennsla fyrir grunnskólabörn í höndum Elínar Arndísar Gunnarsdóttur.

Í lok hátíðar verður boðið upp á kaffi og meðlæti sem Íslendingafélagið í Ósló hefur umsjón með fyrir hönd safnaðarins.

Verið öll hjartanlega velkomin.