Miðvikudaginn 10. desember frá kl. 15:30-17:30 verður upplestur á Aðventu eftir Gunnar Gunnarsson í Ólafíustofu, Pilestredet Park 20 í Osló.

Aðventa kom út á íslensku árið 1939 og er ein vinsælasta bók Gunnars sem gefin hefur verið út á 10 tungumálum um víða veröld. Mörgum finnst sagan jafn ómissandi um jólin og jólaguðspjallið sjálft og lesa hana á hverju ári. Sagan segir frá hirðinum Benedikt sem leggur í ferð upp til fjalla á aðventunni í leit að kindum. Honum samferða eru bestu vinir hans, hundurinn Leó og hrúturinn Eitill. Ferð Benedikt er táknræn um ferð mannsins í þjónustu við lífið. Við hvetjum fólk til að kíkja við í Ólafíustofu og heyra þessa dásamlegu sögu. Við bjóðum upp á jólaglögg og smákökur.

Verið öll hjartanlega velkomin til okkar á aðventunni.