Leikritið Unglingurinn, eftir Arnór Björnsson og Óla Gunnar Gunnarsson undir leikstjórn Bjarkar Jakobsdóttur, er á leið til Noregs í boði Íslenska safnaðarins í Noregi. Verkið hefur fengið frábærar viðtökur hjá bæði áhorfendum og gagnrýnendum en sýningin hefur farið um allt Ísland og nú er komið að því að það verði sýnt á nokkrum stöðum í Noregi.
Verkið er einstakt fyrir það að það er skrifað af unglingum fyrir unglinga og veitir því skýra og skemmtilega mynd af daglegu lífi unglinga, samskiptum við foreldra, kennara, jafnaldra og hitt kynið. Leikritið er ætlað unglingum en foreldrar, kennarar og aðrir sem umgangast unglinga munu einnig hafa gaman af leikritinu. Þetta er tilvalin skemmtun fyrir fjölskylduna þar sem það er fátt betra en að hlæja saman í leikhúsinu. Verkið er fyrir alla á aldrinum 6 – 100 ára.
Nánari upplýsingingar um leiksýninguna má skoða facebooksíðu sýningarinnar:
https://www.facebook.com/
Leikritið er sýnt í:
Bergen 6. júní kl. 19. Nye Fyllingsdalen Teater
Folke Bernadottes vei 21, 5147 Fyllingsdalen
Stavanger 9. júní kl. 19. Høyland Meningsetshus, 4307 Sandnes
Kristiansand 11. júní kl. 19. Hellemyr menighet:Bydalsveien 19, 4628 Kristiansand S
Osló 13. júní kl. 20. Lambertseter fritidsklubb, Lambertseterveien 35, 1154 Oslo
