Á Skírdag  17. apríl (fimmtudagur) verður guðsþjónusta og Getsemanestund kl.17 í Ólafíustofu.  Stundin hefst á borðhaldi þar sem Jóna Magga hin velþekkta súpugerðarkona ber fram dýrindis súpu og brauð. Kammerkór syngur undir stjórn Gísla J. Grétarssonar og Hjörleifur Valsson leikur á fiðlu. Í altarissakramentinu er borið fram heimagert brauð, bakað af sr. Örnu og portvín.

Í lok stundarinnar verður altarið afskrýtt, svartur dúkur settur á það ásamt fimm rauðum rósum er tákna fimm svöðusár Jesú Krists. Gengið út í þögn um kl.19.

Þetta er mjög sérstök stund þar sem upplifun píslargöngu Krists er í forgrunni.

Verið hjartanlega velkomin.

Á Páskadag er tónlistarveisla í Ólafíustofu í umsjá Hjörleifs Valssonar og músikvina. Inga Erlingsdóttir ásamt fleirum lesa ritningarlestra páskadagsins.

Börn og fullorðnir hjartanlega velkomin.

Verið hjartanlega velkomin til tónlistarveislu á upprisuhátíð frelsarans.