Dagskrá hátíðarinnar hefst laugardaginn 8. júní með Ólafíugöngu undir stjórn Sigríðar Dúnu Kristmundsdóttur, prófessors og fyrrum sendiherra Íslands í Osló.

Gangan hefst kl 14.00 við styttu Wergeland á milli Stortinget og Nationaltheatret. Gengið verður um slóðir Ólafíu í Osló og fjallað um líf hennar og störf. Göngunni lýkur við Ólafíustofu, Pilestredet Park 20, þar sem boðið verður upp á léttar veitingar.

Á sunnudeginum 9. júní kl 14.00 verður sérstök messa í tilefni af Ólafíuhátíð í Nordberg kirkju og þar mun Sigríður Dúna lesa upp úr ævisögu Ólafíu.

Verið hjartanlega velkomin.